يالي تفكرين بغدر حبيبج

ماتسوى التعب ضيعت عمري وياك
يل بايع حياتي ومشتري اسهامك
ورقه أنه احترك لوفكر أبملكاك
واعلى اشوك دوم اتعالم اصيامك
ششعلك بعد عمري أشموع
وفارشلك حياتي أتراب لجدامك
سكنت أعيوني وخاف أقصر أوياك
كتلك هذا كلبي وبابه كدامك
وأوهامك صفتلي وأه من أوهام
عصفور انسجن بقفاص أوهامك
واحلامك چبيره وعددلي أهواي
خلص عمري وبعد ماشايف أحلامك
صرت چنك جماد وكلبك أشعر مات
وين السمعتني وكتبت اقلامك
حي الله مشاهد صاير امن ابعيد
ودور ابطال چنت اتمثل افلامك
وجام اصله وهم بيت البنيته اوياي
وبحجار الزمن مايحتمل جامك
ربيتك حمامه تنكلب ثعبان
واول لدغه بيه اتجر ابسمك
شايل طبع ذيب وابشكل انسان
مغاره الشالتك ماظن بطن امك
يل تنكط غدر من الجدم للراس
يل خالط خيانه ابدمك ولحمك
جور اشماردت بين احقاد حيل
واسحق كل جرح واثاره ابجدمك
صح اليوم واكع عالجرح ممممور
بس باچر بديه ولازم التهمك
لبچيك ابدمع كد دم دليلي الساح
وافتحلك جرح من قوسك وسهمك
واراويك الجرح والهم سنينه اشلون
واكلك هذا عمري الجبته انه ابهمك
ماصدك ورد وارجع عليك انوب
عطرك سمني وبطلت ماشمك
لتبين ذهب موبين انت اتراب
سعرك بان سعرك واتضح رقمك

ماصدك ورد وارجع عليك انوب
عطرك سمني وبطلت ماشمك
لتبين ذهب موبين انت اتراب
سعرك بان سعرك واتضح رقمك

مشكورة

لبچيك ابدمع كد دم دليلي الساح
وافتحلك جرح من قوسك وسهمك
واراويك الجرح والهم سنينه اشلون
واكلك هذا عمري الجبته انه ابهمك
ماصدك ورد وارجع عليك انوب
عطرك سمني وبطلت ماشمك
لتبين ذهب موبين انت اتراب
سعرك بان سعرك واتضح رقمك

الله رائعه
مشكوووووووووره سنافر

تحياتي وتقديري

يسلمووووووووووووووا على مروركم وردكم الجميل
[ندعوك للتسجيل في المنتدى أو التعريف بنفسك لمعاينة هذه الصورة]