تشكـــيلي وضعــك..

لاتشكيلي وضعك وانته بأاحسن حال، ولتكلي بغيابك يبجن عيونـــــــي .

تانيتك عمر وجروحي تنزف خوف، ماشفت الامان البيه وعــــدتوني.

شاريك بنضر وجفوفي جانت شوك، بس ضكني الوكت شبساعه بعتوني.

ضنيتك امل من اوكع ارجي عليه، تالي بلاحنان وكمتو عفتــــــــــوني.

كتلك لو عطش مربيه كون الكيك، تبعد والعواذل همه يزكــــــــــــوني.

وردك من ذبل بدموعي جنت ازكيه، ليش اصير شوكه وتجرح اضنوني.

عاتبتك محب والساني ينطق شوك، ماهمك عذابي ولوعة اجنـــــــــوني.

اذكرك كل وكت ودموعي دم اسيل، شجاك تغيرت وبلحضه تنــــــسوني.

ردت والله وحياتك عشره كون ادوم، عجب نار الهجر شو بيها تجــــوني.

يغرسني الفرح وي شجرة الزيتون، وتعرض بلحزن بس لايخلــــــــوني.

اجيت اشفيك خايب من مرض دنياك ، لان غير اوضاعي ومنخطـــف لوني.

راح اصرخ وفزز كل كلب ملجوم، لان همك حملته وتعب امتـــــــوني.

ونطيتك صبح ولحصتي صار الليل، و من ليل وضلامه ارجوك عدونــــي .

ياحيف انكرتني وضاعت الامال ، والف وسفه بمحبتك خابت اضنوني.

هذا اخر لقاء ولاتفــكـــــــر يوم، بديارك تحس لوبيها تلكـــــــــــوني .