يسألونى عن جرحى

يسألوني ع جرحي شصار ماصار

وكبل ما احجي انا يبجن عيوني

ويسألوني
ع حالي وجن ولايدرون
جروح هواي بية وهدت متوني

واسكت
ما اجاوب والدموع تسيل وتجاوب عاليسألوني

وتكلهم جروح هواي شعددهن
ناس هواي جرحوني

جرح من الحبيب
وماجنت اظنه يعوف وهو اول بشر بالناس ينسوني

مذبوح انا بعدك مثل ذبح الطير ألوب من الالم ظنهم يفرحوني

شجاها الروح خايب أمنت بيك
وليش انجن عليك وينخطف لوني

وماظنيتك انته بلحظه وك تخون وتكرر سوالف ناس خانوني

ولكن للاسف والله طلعت بالذات وتضحك انت الشماته وناس بجوني

وجرح ثاني
من اخوي وهو اعز الناس
الصرت نور على دربه وصعبه يطفوني

جنت احزن لحزنه وابجي دم عليه
وبوكت الفرح مايذكر سنوني

وجرح اهلي جبير ما اظنه يطيب
وحدي بغربه وحدي هناك ذبوني